Skógarmenn KFUM í Vatnaskógi hafa sett á laggirnar sjóð – Stínusjóð*, sem gefa mun börnum og ungmennum möguleika á að dvelja í sumarbúðunum, sem annars hefðu ekk tækifæri til þess, t.d. af fjárhagsástæðum.

Tekjur sjóðsins eru sjálfaflafé og gjafir velunnara, en einnig munu sumarbúðirnar styrkja sjóðinn.

Hvernig styrki ég Stínusjóð?

  • Hægt er að leggja inná reikning 526-26-6788 kt. 521182-0169
  • Hafa samband við framkvæmdastjóra Vatnaskógar í síma 588-8899 eða í tölvupósti: arsaell@kfum.is

Hvernig er styrkjum úthlutað?

Skógarmenn afhenda Hjálparstarfi Kirkjunnar ákveðinn fjölda dvalarflokka til ráðstöfunnar.
Félagsráðgjafar Hjálparstarfsins úthluta dvölum til einstaklinga sem á þurfa að halda.

*Stínusjóður er nefndur eftir Kristínu Guðmundsdóttur var fædd 19. október 1914 og lést 31. mars 2005. Kristín starfaði sem ráðskona í Vatnaskógi í 40 sumur og lét af stöfum 1983. Þeir eru margir Skógarmennirnir sem hafa rifjað upp góðar minningarnar um Stínu sem sýndi þeim hlýju, kærleik og að ógleymdum ljúfengum Vatnaskógarkræsingum.

Starfsreglur Stínusjóðs

1. grein

Sjóðurinn heitir Stínusjóður og er á ábyrgð stjórnar Skógarmanna KFUM í Vatnaskógi. Verði sjóðurinn af einhverjum sökum lagður niður skulu eignir hans renna til æskulýðsmiðstöðvar KFUM í Vatnaskógi, Skógarmanna KFUM kennitala 521182-0169.

2. grein

Tilgangur sjóðsins er gefa börnum og ungmennum möguleika á að dvelja í Vatnaskógi, sem annars hafa ekki tækifæri til þess af félagslegum og fjárhagslegum ástæðum.

3. grein

Stjórn sjóðsins er á hverjum tíma skipuð þremur aðilum. Tveir stjórnarmenn skulu árlega tilnefndir af stjórn æskulýðsmiðstöðvar KFUM í Vatnaskógi, en þriðji stjórnarmaður skal vera starfandi framkvæmdastjóri Vatnaskógar.

4. grein

Tekjur Stínusjóðs er sjálfsaflafé velunnarra sem leggja sjóðnum lið. Úthlutanir eru því í beinu samræmi við tekjur sjóðsins, en skulu taka mið af starfseminni hverju sinni.

5. grein

Sjóðsstjórn ber ábyrgð á úthlutun styrkja. Taka skal mið af umsóknum eins og kostur er en sjóðsstjórn áskilur sér þó rétt til að ráðstafa styrkjum til annarra en þeirra sem senda inn umsóknir.

 

Reykjavík í mars 2017

Samþykkt á stjórnarfundi Skógarmanna KFUM