Veisludagur
Þá er síðasti heili dagurinn liðinn hér hjá okkur í Vatnaskógi og dagskráin er þétt. Brekkuhlaup í frjálsum íþróttum, þythokkímót. Bátar fyrri partinn en lokuðu seinni partinn þar sem golan var orðin full sterk. Eftir hádegi var knattspyrnuhátíð á stóra íþróttavellinum þar sem hápunturinn stórleikur foringja og úrvalsliðsdrengja þar foringjar höfðu nauman sigur, á eftir kepptu síðan Drauma- og stjörnulið drengjanna. Auk þess heitir pottar og ýmsir innileikir heilluðu marga. heita potta fram að kvöldmat.
Dagskrá kvöldsins: Veislumatur um kvöldið, myndataka og kvöldvaka sem er af lengri og dýrari gerðinni, með bikarafhendingu, Biblíuspurningakeppni, leikritum, Sjónvarp Lindarrjóðri og léttu skonrokki að hætti foringjanna.
Margt og mikið hefur verið gert í þessum ævintýraflokki, og vil ég ekki telja allt upp hér, heldur leyfa drengjunum að segja ykkur sjálfir þegar við komum heim á morgun.
Matseðill
Fimmtudagurinn 14. ágúst – Veisludagur
Morgunverður: Morgunkorn og mjólkurvörur
Hádegisverður: Skyri og nýbakað brauð
Síðdegishressing: Veislukaka, smákaka og brauðbollur
Kvöldverður: Schnitzel og veglegt meðlæti + baukur
Kvöldhressing: Kex og mjólk
Dagskráin á heimkomudegi
Drengirnir hafa verið vaktir kl. 8:30 á morgnana en á brottfarardag er venja að gefa þeim ögn lengri svefn. Haninn mun því gala
kl. 09:00, þá munu drengirnir fara í morgunmat, pakka í töskur, finna dótið sitt og halda svo út í frjálsan tíma og skipulagða hópleiki.
Því næst verður haldið í hádegismat, í flatbökuveislu að hætti Vatnaskógar og síðan verða óskilamunir kynntir sem fundist hafa á víð og dreif um svæðið.
Matseðill
Föstudagur 10. ágúst
Morgunverður: Morgunkorn og mjólkurvörur og tilheyrandi
Hádegisverður: Pizza og ís í eftirrétt
ATH! Smá breyting á heimkomu úr Vatnaskógi
Rútan leggur af stað frá Vatnaskógi kl. 14:10, áætluð koma á Holtaveg 28 er því kl. 15:10.
Þau ykkar sem hyggjast sækja drengina sína í Vatnaskóg eru beðin um að koma eigi síðar en kl. 14:00. Vinsamlegast látið vita ef þið ætlið að sækja ykkar drengi sjálf ef þeir eru skráðir í rútuna heim, svo töskurnar þeirra fari ekki upp í rúturnar. Þeir sem verða sóttir í Vatnaskóg munu koma farangri sínum fyrir framan matskálann. Endilega látið vita sem fyrst en símatíminn er eins og fyrr segir milli kl. 11:00-12:00 og síminn er 433 8959.
Allir óskilamunir sem ekki skila sér til drengjanna í Vatnaskógi munu fara á Holtaveg 28 í Reykjavík, félagsheimili KFUM og KFUK.
Þetta er síðasta færslan frá 12. flokki 2025. Við sem störfum í Vatnaskógi erum þakklát fyrir það traust sem foreldrar sína okkur með því að senda börn sín í sumarbúðir og tökum það traust alvarlega. Það er og metnaður okkar sem störfum í Vatnaskógi að gera gott starf enn betra. Ef þú hefur ábendingar, athugasemdir eða vilt hafa samband við okkur hér í Vatnaskógi í tengslum við 12. flokk getur þú sent tölvupóst á arsaell@kfum.is eða haft samband við skrifstofu KFUM og KFUK í Reykjavík, sími 588 8899.
Með virðingu og þökk,