3.flokkur – Dagur 5 – Veisludagur
Þá er veisludagur runninn upp. Það rignir aðeins á okkur en það er einnig töluverður hiti, sem er gott. Núna eftir morgunstund verður boðið upp á brekkuhalup. Það er hefð fyrir því að hafa brekkuhlaup á Veisludegi.
Í dag gerum við vel við okkur í mat, drykk og dagskrá. Eftir kaffitímann er foringjaleikurinn í fótbolta. Þá skorum við foringjarnir á drengina í fótbolta. Við skiptum þeim upp í tvö lið, stjörnulið og draumalið, og spila liðin sitthvorn hálfleikinn. Kvöldvakan í kvöld verður glæsileg. Það verður sungið, við munum heyra lokahlutann í frammhaldssögunni, sjáum nokkur leikrit og svo auðvitað Sjónvarp Lindarrjóður. Mikil gleði og spenna hjá drengjunum.
Sunnudagurinn 21.júní er brottfarardagur. Við borðum kaffitíma hér og leggjum svo af stað 16:00 í bæinn. Áætluð koma á Holtaveg 28 er klukkan 17:00.
Fleiri myndir eru komnar inn.
Matseðill
Morgunmatur: Morgunkorn, hafragrautur og brauð með áleggi.
Hádegismatur: Eitthvað fyrir alla.
Kaffitími: Sjónvarpskaka og döðlubrauð.
Kvöldmatur: Grillaðir LÚXUS hamborgarar, fanskar og gos í bauk.
Kvöldkaffi: Matar- og súkkulaðikex, mjólk og vatn.
Hreinn Pálsson – Forstöðumaður
