Það er 17.júní í dag og munum við halda hátíðlega upp á hann. Eftir morgunmat fórum við á fánahyllingu. Það er óhætt að segja að þetta hafi verið stærsta fánahylling sumarsins. Við flögguðum íslenska fánanum á sjö fánastöngum á sama tíma með íslenska þjóðsöngin í hátalarakerfinu. Þetta var gæsahúð fyrir allan peninginn. Eftir morgunstund var farið í skrúðgöngu frá Gamla skála og að íþróttahúsinu. Fyrir framan íþróttahúsið er falleg brekka. Við stoppuðum fyrir framan brekkuna og hlýddum á Fjallkonuna flytja ljóð eftir Margréti Jónsdóttur, Ísland er land þitt.
Seinna í dag verður svo boðið upp á hoppukastala, Wipeout, heita potta, kassabílarallý, fótbolta, frjálsar íþróttir, smíðaverkstæði og margt fleira.
Veðrið er aðeins betra í dag. Það er samt of hvasst til að fara á báta því miður. Við ætlum að skoða möguleikann á að bjóða upp á mótorbátsferðir svo að drengirnir komist eitthvað út á vatn.
Hér fyrir neðan er svo linkur á myndasíðu KFUM og KFUK á Íslandi. Það koma myndir inn á þessa síðu reglulega.
Matseðill 17.júní 2021
Morgunmatur: Kakó, nýbakað brauð og álegg
Hádegismatur: Vatnaskógar ávaxtasúrmjólk
Kaffitími: Nýbökuð, fánaskreytt súkkulaðikaka par excellence og kanillengjur
Kvöldmatur: Léttbankaðar Vínarsnitzelsneiðar með brúnni sósu, bökuðum kartöflum, salati, maís og grænum baunum, rauðkál og gos í bauk
Kvöldhressing: Ávextir og kex
Hreinn Pálsson – forstöðumaður
