Í dag komu um 100 drengir í Vatnaskóg og munu þeir dvelja hér fram á laugardaginn 10.júlí. Þegar að drengirnir komu hingað byrjuðu þeir á því að velja sér borð í matskálanum til þess að sitja við, borð 1 til 7. Við hvert borð er borðforingi sem annast drengina og hefur gott eftirlit með þeim.
Hér er ágætis veður, 12°C og skýjað. Allt gengur mjög vel. Þetta eru hressir og skemmtilegir drengir sem eru duglegir að taka þátt í því sem er í boði eins og t.d. útileikir, keppnir í ýmsum greinum frjálsra íþrótta, skemmitlegir innleikir, bátar og að ógleymdir smíðastofunni. Rétt eins og íslenska úrvalsdeildin er komin af stað þá er svínadalsdeildin komin á fulla ferð hér í Vatnaskógi en í henni keppa borðin sín á milli. Mjög spennandi. Í kvöld verður svo kvöldvaka að hætti Skógarmanna með leikjum, leikritum, framhaldssögu, hugleiðingu og söng.
Matseðill
Hádegismatur: Kjötbollur, kartöflumús, brúnsósa og salat.
Kaffitími: Súkkulaðikaka og kryddbrauð.
Kvöldmatur: Ítalskur pastaréttur.
Kvöldkaffi: Ávextir og kex.
Starfsfólk
Foringjar sem annast dagskrá og umönnun drengjanna eru þeir:
Gunnar Hrafn Sveinsson – Knattspyrnuforingi
Ísak Jón Einarsson – Bátaforingi
Eiríkur Skúli Gústafsson – Alhliðaforingi
Benedikt Guðmundsson – Smíðaforingi
Davíð Guðmundsson – Útileikjaforingi
Pétur Bjarni – Frjálsíþróttaforingi
Þráinn Andreuson – Innileikjaforingi
Friðrik Páll Ragnarsson Schram – Birkiskálaforingi
Baldur Ólafsson – Skógarmannaforingi
Þeim til halds og trausts eru forstöðumennirnir Ársæll Aðalbergsson og Hreinn Pálsson.
Eldhúsi og þrifum í Vatnaskógi stýrir ráðskonan Valborg Rut Geirsdóttir. Henni til aðstoðar eru Sólveig Erla Erlingsdóttir, Bergdís Brynjarsdóddir, Hákon Arnar Jónsson og Sigríður Sól Ársælsdóttir.
Þess utan er ungur aðstoðarforingi á svæðinu, framtíðar leiðtogi í starfi KFUM og KFUK. Hann gengur í allskonar verkefni á svæðinu, hvort sem það er aðstoð í gönguferðum, uppvask, smíðar, frágangur og tiltekt á svæðinu eða skipulag leikja undir umsjón foringja. Aðstoðarforingi þessa vikuna er Markús Guðmundsson.
Þá er Þórir Sigurðsson í flokknum en hann kemur að ýmsu daglegu viðhaldi á tækjum og húsnæði.
Ef það eru einhverjar spurningar þá er símatími forstöðumanns á milli 11 og 12 alla daga.
Inn á þessa síðu munu svo koma myndir úr flokknum.
Meira síðar!
Hreinn Pálsson – forstöðumaður
