Drengirnir voru vaktir klukkan 8:30 í morgun með ljúfum tónum. Hér er svipað veður og í gær, skýjað og 11-13 stiga hiti.

Í dag verður sannkölluð knattspyrnuveisla, 4 leikir í svínadalsdeildinni fyrir hádegi, 5 leikir eftir hádegismat og 5 leikir eftir kaffitímann. Eftir kvöldmat sýnum við svo seinni undanúrslitaleikinn á EM allstaðar, Danmörk vs England. Þvílíkur fótboltadagur

Það hafa auðvitað ekki allir áhuga á fótbolta þannig að samhliða fótboltanum verður pökkuð dagskrá í boði: bátar, smíðaverkstæði, kassabílarallý, íþróttahús, borðtennis- og poolmót, 60m hlaup og spjótkast, listakeppnin byrjar og svo er auðvitað spilastund í Birkiskála alltaf í boði.

Í kvöld er svo kvöldvaka eins og öll kvöld í Vatnaskógi. Á kvöldvökum er mikið sungið, farið í leiki, við sjáum leikrit frá leikhópnum Villiöndin (elsta og virtasta leikfélag í Hvalfirði), við heyrum framhaldssögu og hugleiðingu. Kvöldvökurnar eru ómissandi partur af sumarbúðadvöl í Vatnaskógi.

Matseðill

Morgunmatur: Morgunkorn og súrmjólk.

Hádegismatur: Lambapottréttur og bakaðarkartöflur.

Kaffitími: Jógúrtkaka og pizzasnúðar.

Kvöldmatur: Súpa og brauð.

Kvöldhressing: Ávextir og kex.

Myndir koma inn eftir hádegi í dag.

Hreinn Pálsson – forstöðumaður

Vatnaskógur 6.flokkur