Í Vatnaskógi í dag er þetta helst.
Drengirnir voru vaktir 9:00 í morgun, morgunmatur var 9:30 og morgunstund 10:00. Í kvöld er svo kvöldvaka með leikriti, framhaldssögu, hugleiðingu og söng. Við byrjum daginn saman, við endum daginn saman, þannig er það.
Eftir hádegi bjóðum við upp á fjallgönguferð fyrir þá sem vilja. Ferðinni er heitið upp á kambinn, fjallið beint á móti Vatnaskógi. Tveir starfsmenn Vatnaskógar munu sjá um gönguna, við áætlum að um 15-20 drengir fari með í ferðina.
Eftir hádegi og eftir kaffi munum við bjóða upp á vatnafjör, við munum draga þá sem vilja á tuðru um eyrarvatn með spíttbátinum okkar góða, mjög skemmtilegt allt saman.
Hið árlega skákmót hófst í dag. Þetta verður hörð keppni, engin spurning. Frábær íþrótt.
Í kvöld eftir kvöldkaffi verður svo poppað og mynd sett í tækið, MOVIE NIGHT!
Svo sofum við aðeins lengur á morgun en á morgun er veisludagur, síðasti heili dagurinn okkar hér í Vatnaskógi. Mikilvægt að vera vel sofinn fyrir þann dag.
Matseðill
Morgunmatur: Kakó, brauð og álegg
Hádegismatur: Kjúklingaleggir og franskar
Kaffitími: Hjónabandssæla, snúðar og ávextir
Kvöldmatur: Léttbankaðar vínarsnitsel sneiðar með bökuðum kartöflum, brúnni sósu og salati
Kvöldkaffi: Ávextir og kex
Myndir, myndir, sagði einhver myndir?
Hreinn Pálsson – forstöðumaður
