Drengirnir voru vaktir klukkan 8:30 í morgun. Hér í Vatnaskógi er bongóblíða, sól, logn og 21°C. Eftir morgunmat var stutt morgunstund, hún varð að vera stutt. Drengirnir gátu ekki beðið eftir því að komast út í góða veðrið. Fyrir hádegi var boðið upp á mikla knattspyrnuveislu, báta, mafíu eða varúlf, smíðaverkstæði, íþróttahús og mótorbátsferðir. Eftir hádegi var boðið upp á vatnafjör, mótorbátsferðir og svo var wipeout braut í boði, stórskemmtileg þrautabraut og það eina sem er öruggt er að maður blotnar mikið í wipeout.
Í dag bjóðum við líka upp á frjálsar íþróttir og allskonar útileiki. Planið er vera mikið úti og keyra þétta dagskrá svo að drengirnir sofni fljótt í kvöld.
Í kvöld er svo glæsileg er Vatnaskógarkvöldvaka með leikriti, framhaldsögu, leikjum og lögum.
Heimþrá
Það eru nokkrir drengir hér að glíma við heimþrá. Ég bendi á frétt gærdagsins en þar eru góðar upplýsingar um það hvernig heimþrá virkar. Við höldum áfram að vinna með drengjunum og reynum að hjálpa þeim að komast í gegnum þetta. Þetta er stuttur flokkur, á morgun erum við hálfnaðir með flokkinn.
Matseðill
Morgunmatur: Rjúkandi heitt kakó og brauð með fjölbreyttu úrvali af áleggi
Hádegismatur: Fiskur í raspi með kartöflum, salati og kokteilsósu
Kaffitími: Súkkulaðikaka og smákökur
Kvöldmatur: Pylsu pasta og hvítlauksbrauð
Kvöldkaffi: Ávextir og kex
Nýjar myndir koma inn reglulega hér.
Hreinn Pálsson, forstöðumaður
