Þá er aðventuflokkur farinn af stað. Í gær komu 20 hressir strákar hingað í Vatnaskóg, tilbúnir í slaginn. Þeir eiga það allir sameiginlegt að hafa komið áður í Vatnaskóg sem þýðir að það er mikil reynsla í hópnum, það er gott. Þessa helgi ætlum við að bjóða upp á fjölbreytta dagskrá eins og t.d. borðtennismót, billjardmót, körfubolta, skákmót, listakeppni, tímaskynskeppni, fótbolta í snjónum=snjóbolta, stóra útileiki, gönguferðir, varðeld og margt fleira.
Í Vatnaskógi er mjög kalt, mikill snjór og lítill sem enginn vindur.
Starfsfólk
Þessi helgi er vel mönnuð af reynsluboltum sem þátttakendur kannast vel við frá því í sumar.
Foringjar sem annast dagskrá og umönnun drengjanna eru þeir:
Gunnar Hrafn Sveinsson – Jólaforingi
Eiríkur Skúli Gústafsson – Skreytingarforingi
Ísak Jón Einarsson – Snjóforingi
Þeim til halds og trausts er forstöðumaðurinn Hreinn Pálsson.
Eldhúsi og þrifum í Vatnaskógi stýrir ráðskonan Valborg Rut Geirsdóttir. Henni til aðstoðar er Sverrir Hákon Martinsson.
Þá eru þeir Ársæll Aðalbergsson, Jón Ómar Gunnars, Þórir Sigurðsson í flokknum en þeir koma að ýmsu daglegu viðhaldi á tækjum og húsnæði.
Matseðill
Morgunmatur: Morgunkorn, súrmjólk og nýbakað brauð
Hádegismatur: Fiskur, kartöflur, kokteilsósa og salat
Kaffitími: Súkkulaðikaka, kryddbrauð og heitt kakó með rjóma
Kvöldmatur: Lambalæri, kartöfluréttur, brún sósa, gular og grænar
Skógarvarðeldur: Sykurpúðar
Kvöldkaffi: Ís frá Bínóís með allskonar sósum og nammi
Myndir koma inn á linkinn hér að neðan.
Hreinn Pálsson – forstöðumaður
