Drengirnir voru vaktir í morgun klukkan 8:30 með ljúfum tónum. Reyndar var stór hluti þeirra vaknaður fyrir það en það er mjög algengt að þeir vakni fyrr eftir fyrstu nóttina. Hér er sól á himni og léttskýjað en því miður er mjög sterk og köld norðaustanátt. Þessi sterka vindátt lokar bátunum, því miður, og kælir loftið. Ef litið er á björtu hliðarnar þá eru engar flugur í svona sterkum vind, það er fínt.
Á dagskrá í dag er meðal annars smíðaverkstæði, svínadalsdeildin, 60m spretthlaup, listakeppnin, gönguferð, foosballmót, segulkubbarnir, brandarakeppni og margt fleira. Eftir kvöldmat ætlum við einnig að bjóða upp á „kareókí“ og „just dance“ – sjáum hvernig það verður. Svo endum við daginn á kvöldvöku að hætti Skógarmanna.
Matseðill
Morgunmatur: Morgunkorn, súrmjólk og ávaxtagrautur
Hádegismatur: Fiskur í raspi, kartöflur og salat
Kaffitími: Kanilkaka, bananabrauð og muffins
Kvöldmatur: Grillaðar pylsur
Kvöldkaffi: Mjólkurkex og pólókex