Í gær komu um 100 drengir í Vatnaskóg og munu þeir dvelja hér fram á föstudaginn 18.júní. Þegar að drengirnir komu hingað byrjuðu þeir á því að velja sér borð í matskálanum til þess að sitja við, borð 1 til 8. Við hvert borð er borðforingi sem annast drengina og hefur gott eftirlit með þeim.
Það var ekkert um heimþrá í gærkvöldi en það má segja að það sé fordæmalaust, við lifum jú á fordæmalausum tímum.
Hér er gott veður, 12°C og skýjað en mikill vindur. Því miður höfum við ekki náð að opna bátana vegna sterkrar norðaustanáttar en vonum að það lægi á morgun. Allt gengur mjög vel. Þetta eru hressir og skemmtilegir drengir sem eru duglegir að taka þátt í því sem er í boði eins og t.d. útileikir, keppnir í ýmsum greinum frjálsra íþrótta, skemmitlegir innleikir og að ógleymdir smíðastofunni. Rétt eins og íslenska úrvalsdeildin er komin af stað þá er svínadalsdeildin komin á fulla ferð hér í Vatnaskógi en í henni keppa borðin sín á milli. Mjög spennandi. Í kvöld verður svo kvöldvaka að hætti Skógarmanna með leikjum, leikritum, framhaldssögu, hugleiðingu og söng.
Maturinn, Dagur 1
Hádegismatur – Stektur fiskur, kartöflur, sósa og salat
Kaffitími – Súkkulaðikaka, bananabrauð og ávextir
Kvöldmatur – Nýbakað brauð og sveppasúpa
Kvöldhressing – Pólókex, mjólkurkex, mjólk og vatn
Maturinn, Dagur 2
Morgunmatur – Kakó, nýbakað brauð og álegg
Hádegismatur – Kjúklingaréttur, grænmeti og kúskús
Kaffitími – Kryddbrauð, ávextir og HLUNKAKÖKUR
Kvöldmatur – Ítalskur pastaréttur
Kvöldhressing – Ávextir
Starfsfólk
Foringjar sem annast dagskrá og umönnun drengjanna eru þeir:
Benedikt Guðmundsson – Alhliðaforingi
Eiríkur Skúli Gústafsson – Bátaforingi
Gunnar Hrafn Sveinsson – Flotamálaráðherra
Fannar Logi Hannesson – Útileikjaforingi
Ísak Jón Einarsson – Frjálsíþróttaforingi
Ástráður Sigurðsson – Knattspyrnuforingi
Ríkharður Esterason – Innileikjaforingi
Pétur Bjarni – Birkiskálaforingi
Baldur Ólafsson – Alhliðaforingi
Þeim til halds og trausts eru þeir Ólafur Gunnar Long, Magnús Viðar Skúlason og forstöðumenn flokksins Hreinn Pálsson og Pétur Ragnarsson.
Eldhúsi og þrifum í Vatnaskógi stýrir ráðskonan Tinna Dögg Birgisdóttir. Henni til aðstoðar eru Dagný Guðmundsdóttir, Davíð Guðmundsson, Sólveig Erla Erlingsdóttir og Bergdís Brynjarsdóddir.
Þess utan eru ungir aðstoðarforingi á svæðinu, framtíðarleiðtogar í starfi KFUM og KFUK. Þeir ganga í allskonar verkefni á svæðinu, hvort sem það er aðstoð í gönguferðum, uppvask, smíðar, frágangur og tiltekt á svæðinu eða skipulag leikja undir umsjón foringja. Aðstoðarforingjar þessa vikuna eru þeir Guðjón, Tristan, Markús og Ísar.
Þá er Þórir Sigurðsson í flokknum en hann kemur að ýmsu daglegu viðhaldi á tækjum og húsnæði.
Ef það eru einhverjar spurningar þá er símatími forstöðumanns á milli 11 og 12 alla daga. Inn á þessa síðu munu svo koma myndir úr flokknum.
Meira síðar!
Hreinn Pálsson – forstöðumaður
