Drengirnir voru vaktir klukkan 8:30 í morgun með ljúfum tónum og hófst morgunmatur stundvíslega klukkan 9:00. Eftir morgunmat var morgunstund og svo biblíulestur.
Í dag verður boðið upp á báta, smíðaverkstæði, langstökk, 60m hlaup, fótbolta og margt fleira. Íþróttahúsið er einnig alltaf opið en þar er stór íþróttasalur sem drengirnir eru ýmist í körfubolta eða skotbolta. Einnig í íþróttahúsinu er borðtennis, billjard, þythokký og fótboltaspil. Listakeppnin er farin af stað og stendur hún yfir allan flokkinn. Drengirnir geta skilað inn listaverkum, ljóðum eða sögum og á veislukvöldvökunni verður einn útnefndur listamaður flokksins.
Á kvöldin eru kvöldvökur en á þeim syngjum við, förum í leiki, sjáum leikrit, heyrum framhaldssögu og hugleiðingu. Það er alltaf mikið fjör á kvöldvökum.
Matseðill
Morgunmatur: Morgunkorn og súrmjólk.
Hádegismatur: Fiskur í raspi, kartöflur, salat og kokteilssósa.
Kaffitími: Kryddbrauð, smákökur og kaka.
Kvöldmatur: Pastasalat og hvítlauksbrauð.
Kvöldhressing: Kex og Ávextir.
Nýjar myndir komnar inn!
Hreinn Pálsson – forstöðumaður
